الثلاثاء، 9 أكتوبر 2018

( الصيده )



بسم الله الرحمن الرحيم

قصة عامية قصيرة جداً ..

( الصيده )

بحب البنات و همّ خارجين الصبح للمدرسة و الجامعه ، بيبقوا مسطولين لوحدهم !

ـ يا آنسه ! لو سمحتي ..
= نعم ؟
ـ أروح المستشفى منين ؟
= بص حضرتك : ح تمشي لحد آخر الشارع ده و تِحْوِد شمال بس .
ـ الشارع ده ؟ ما انا رحت لآخره حضرتك و ما عرفتهاش ! أصل قالولي العنوان اللي في إيدي ده جنب المستشفى و ما عرفتش أوصله ! إقري حضرتك كده !
.................
ـ يا لهوي ! إلحقوني  أختي حبيبتي ! إلحقوني إلحقونـــــــــــــــاي !
إلحقيني يا حجّه ! أختي يا حجّه !
^ ما لها يا ابني ؟ بسم الله الرحمن الرحيم !
ـ السكر يا حجّه !
^ يقْطَعُه !! دا مبهدل أختي على طول كده و الله ! مش عارفه بقى بيجي للصغيّرين كمان كده ليه ! فوقي يا بنتي ! بسم الله الرحمن الرحيم ! بينا ع المستشفى يا ابني دي في آخر الشارع ده !
ـ حُقنِتْها في البيت يا حجّه ، هيّ على طول كده مهمله إن ما كُنْتش أدّيها لها بنفسي تنسى تاخدها ، أختي حبيبتي ما لهاش غيري و مليش غيرها !
^ لا حول و لا قوة إلا بالله ! ربنا يشفيها و يخليهالك يا بني ؛ فوقي يا حبيبتي فوقي !
ـ سنّديها معايا بس للعربيه الله يكرمك ، إيدَك معانا يا حجّ ، إيدك معانا يا اسطى ، يا بشمهندس : إيدك معانا و النبي !
.................
الله يكرمكم .. الله يكرمكم ! حاضر .. ح آخد بالي منها حاضر .. متشكرين يا حج .. متشكرين يا اسطى .. الله يكرمك يا بشمهندس .. إدعيلها يا أمي !
.................
ـ آاااه يا حبايبي ! إحنا طيبين أوي يا خال !
نهارنا فُــــــــــــــــلّ !
ههه .. ههههه .. ههههههه .. هههههههههههههههه ..
هاه هاه هاه هـــااااااااااااااااااااااااااااااااااااي !
  










ليست هناك تعليقات:

إرسال تعليق

اللهم بَلِّغْنَا رمضان

بسم الله الرحمن الرحيم  أعود للكتابة بعد رمضان إن شاء الله تعالى ، دمتم بألف خير .